Iraq linük indang temetettsü kar

1: Ghonda ka nung minute 60 aser minute ka nung second 60, gari tsüng, alima indang map mezüngbuba aser shitakba calendar ya Iraq nung purapitet.
2: Küm 5,000 dak tema Iraqi linük nüburtemi ninang metsüer aser Iraq nung kibong aika asoshi ninang mochitsü ya sen tarulen asoshi lenmang tajung ka lir.
3: Iraq nunger Khristan timba ka Roman Catholic lir. Iba linük ya Muslim linük ka lir aser Khristan temi pei yimsü indang jembitsü memelaba den külemi Tenla kima tamangba yimsü dak sentakba sentongtem agitsü memelar.
4: Nüngtugu otsü “Alibaba and the Forty Thieves” ya küm 1,000 tejaklen Iraq nung zülua liasü.
5: Mezüngbuba züluren ya 3200 B.C mapang Iraq nung purapitet, koba dang cuneiform ta ajar. Iba zülumen ya khenyongi balaka lir. Iba zülumen nung temaitsü 600 shi amshi aser temaitsü shiaji olong ka mesüra syllable ka lir.7: Laishiba nung ashiba agi, Abraham ya Southeren Iraq nung aliba Ur nungi lir. Isaac kinüngtsü Rebekah-a Nahor (Iraq) nungi lir. Iba dak alia puti otsü ajanga ashiba agi Laishiba nung aliba Eden tsüki ya Iraq nung lir.