ISL 2018: Goa, Northeast United den asayatsü renemshir

Panaji, Tsuklai 3 (Agencies): Indian Super League asayamung nung taoba asaya nung Mumbai City FC makokba sülen, FC Goa pur taruba asaya NorthEast United FC den Amungnü Fatorda Stadium nung asayatsü asoshi renema lir.
Iba asaya nung FC Goa team-i takok angunungbo, parnok point table nung jenjang pezübuba tongtettsü.
FC Goa-i game 11 asaya aruba nungi point 19 ngutett lir, aser parnok jenjang trokbuba nung lir.
Press conference nung team selection atema jembiba mapang, “team nung temelenshiba alitsü, saka temelenshibaji koma ka agiyonga onok asayaba yimyatembo kasa dang alitsü,” ta Lobera-isa ashi.