ISL fixture sayaogo, asayamung Nov. 17 nungi tenzüktsü

Mumbai, September 22 (Agencies): Indian Super League (ISL) season pezübuba ya Kolkata nung aliba Vivekananda Yuba Bharati Krirangan (Salt Lake Stadium) nung defending champion Atletico de Kolkata (ATK) aser runners-up Kerala Blasters FC tsüngta November 17 nü asaya tenzüktsü.
Iba football asayamung takok marok anaben bena aliba ATK telok aser Kerala Blasters tsüngta asayaba ya Robbie Keane aser Dimitar Berbatov tsüngta Europe nung asaya tsükchi India linüki bener arutsüba lir.
ISL 2017-18 nung Bengaluru FC aser Jamshedpur FC densemba ajanga telok 10-i shilem agiba angutsü aser iba season ya ita pezü tashi alitsü. Taküm ISL nung match 95 asayatsü.
Telok ter prongla ‘home-and-away’ format nung telok kati ka den match 90 asayatsü aser semi-final leg ana asayatsü. Semi-final ya March ita tenzüker tanabuba hopta nung asayatsü sentong lir. 2017-18 season final asayatsü atema anogo aser tesem ya meilongi sangdongtsü.
League match ajunga ya Bodhbar nungi Honibar tashi aonung 8:00 ako nungi asaya tenzüktsü aser Deobarnü match ana asayatsü aser iba asaya ya nikongdang 5:30 ako nungi ka aser 8:00 ako nungi ka tenzüktsü.
Taküm season indang mezüngbuba double-header asaya nung 2016 küm final asayaba telok ana, Chennaiyin FC aser Goa tsüngta Chennai nung asayatsü aser iba sülen AFC Cup 2016 finalist, Bengaluru FC-i Hero ISL mezüng tendanga taoba season nung semi-final asayar Mumbai FC den November 19 nü Sree Kanteerava Stadium nung asayatsü.
Iba season nung Maharashtra nungi FC Pune City aser Mumbai City FC tsüngta November 29 anogo Shree Shiv Chhatrapati Sports Complex Stadium, Pune nung asayatsü.
Jamshedpur FC ya parnok telok atema mezüngbuba home match JRD Tata Sports Complex Stadium nung December 1 nü ATK den asayatsü.