Israel PM Netanyahu-i Raisina Dialogue lapoktsütsü

New Delhi, Aenjeti (January) 12 (Agencies): 3 buba Raisina Dialogue nung linük 90 shi ka nungi o jembir 150 dak tema aser teshimtet nübo 550 shi adentsü imlar.
Iba sentong ya Israel Prime Minister Benjamin Netanyahu-i Aenjeti (January) 16 nü lapoktsütsü. Netanyahu-i Aenjeti 14 nungi tenzüka anogo troknü atema India semdangtsü sentong lir.
Sentong lapokdang Prime Minister Narendra Modi aser External Affairs Minister Sushma Swaraj na adentsü.
Raisina Dialogue ya Ministry of External Affairs aser Observer Research Foundation (ORF) yaritepa ayongzüker aser New Delhi nung aliba Taj Palace Hotel nung agitsü.
Taküm asoshi omenji ‘Managing Disruptive Transitions: Ideas, Institutions and Idioms’ lir ta tayongertemi sangdong ka nung metetdaktsü.
Sentong nungsa Army chief General Bipin Rawat aser Navy chief Admiral Sunil Lanba, Admiral Harry Harris, Commander, US Pacific Command aser General Chris Deverell, Joint Forces Commander, UK nungertemia o jembitsü ta parnokisa shisem.
“O jembirtem rongnung taoba Afghanistan tir Hamid Karzai, taoba Canada prime minister Stephen Harder aser taoba Sweden prime minister Carl Bildt nungertem dena lir” ta tayongertemisa shisem.

You must be logged in to post a comment Login