Japan Open: Sindhu, Saina tsükogo; Srikanth, Prannoy kokogo

September 21, 2017 (Agencies): Tang tasayadak Japan Open Super Series nung world champion Nozomi Okuhara-i India tsür P V Sindhu straight set nung kokogo, saka Kidambi Srikanth aser H S Prannoy nabo pei tata asaya koka quarterfinal tongtetogo.
Kasa mapang nung Saina Nehwal-a iba asayamung nungi tuguogo. Saina Nehwal aser Olympic gold medallist Carolina Marin na tsüngda asayaba nung Marin-i 21-16, 21-13 agi kokogo.
Sindhu aser Okuhara na tsüngda asayamung asembuba nung tang agi asembenbuba atonga asayarba liasü, aser tanü asaya nung Sindhu-i kanga aibelenba ajanga Okuhara-i 18-21 8-21 agi minute 47buba nung kokogo.
Kasa mapang nung tebur kija asaya nung World No.8 Srikanth-i Hong Kong nunger asayar Hu Yun 21-12 21-11 agi ayong ayonga koka quarterfinal tongtetogo. Pa taruba asaya Denmark nunger asayar world champion Viktor Axelsen den asayatsü.
Srikanth aser Viktor na tsüngda tang tashi asayaa aruba nung anabenben koka lir.
Kasa asayamung nung US Open Champion H S Prannoy-i Chinese Taipei nunger asayar Hsu Jen Hao 21-16 23-21 agi kokogo. Pa taruba asaya China nunger asayar Shi Yuqi den asayatsü.
Item asayartem dak alaka tarep temeyoktep asaya nung Ashwini Ponnappa aser Satwiksairaj na kanga meranga asayar Indonesian nunger asayar Praveen Jordan aser Debby Susanto nati 27-29, 21-16, 12-21 agi tsükdaktsüogo. Iba asaya ya ghonda kaser minute trok asayaa liasü.

You must be logged in to post a comment Login