J&K nung sub-inspector ka tepset

Srinagar, November 17 (Agencies): Hokolbarnü Jammu & Kashmir yimtiba, Srinagar yimti tezülen Zakura tesem nung kiralongartemi police sub inspector ka tepset aser ka yirutsü.
Gari ka nung kiralongrar asemi Zakura crossing, Srinagar-Ganderbal road nung police telok ka amak, aser iba mapang nung sub-inspector, Imran Tak tepset aser special police officer (SPO) ka yirutsü, ta police ketdangser kati ashi.
Paisa, police-i iba gariji nokdang aser kiralongrar ka apu, saka anabo jena ao, ta paisa ashi.