J&K nungi lanur 323 Indian Army nung shimogo

Srinagar, July 11 (Agencies): Jammu & Kashmir state tesem balala nungi lanur 300 dak tema Army, Jammu-Kashmir Light Infantry nung shimokogo, ta tanü osang ka ajanga metetdaktsü.

Item lanurtemji Srinagar, Regimental Centre nung hopta 42 tashi training course takok ngua agia liasü.

“Jammu & Kashmir Light Infantry (JAKLI) Regimental Centre, Bana Singh Parade Ground nung passing out parade aliba mapang Jammu & Kashmir nungi lanur 323 tashi Jammu-Kashmir Light Infantry Army nung shimokogo,” ta tanü Honibar nü defence otongdar kati metetdaktsü.

Otongdarisa, Passing Out Parade, shima alir ka graduation aser pa lanur sepai ka akümbaji Jammu & Kashmir Light Infantry Colonel aser Director General Recruiting,  Lieutenant General R N Nair-i ketdangsüa agi, ta ashi.

Iba Regiment nung sepaitemi linük asoshi tajungtiba agi tenzüktsü asoshi tenangzükba agiogo, ta otongdarisa shisem.