Justice L.S. Jamir-i poster campaign tenzüktsü

Dimapur, December 4 (TYO): Gauhati High Court Kohima Bench Judge aser Nagaland State Legal Services Authority (NSLSA) Executive Chairman, Justice L.S. Jamir-i tanü Hornbill Festival, Kisama nung “Connecting to You” omen nung ajemdaker poster campaign ka tenzüktsü.
District legal services authority-i arogotem aser village council den yaritepa Consumer Protection Act 1986, Protection of Women from Domestic Violence Act 2005 aser Your Rights Post Sexual Assault onüktem tejangjaba nung metetdaktsütsü imlar, ta tanü Justice L.S. Jamir-i o jembidang ashi.
NSLSA Member Secretary, Nino Iralu-ia o jembidang ashiba agi, Wokha District Legal Services Authority nungi Panel Lawyers aser Para Legal Volunteer temi morung balala nung poster tem yutsütsü.
NSLSA Coordinator, Akumla Lonhgchari-i tesentepertem pelaa agizüka jembidang, osangtsüsang prokshitsü atema inyakba mapa tejentiba aser tajungtibaji poster campaign ya lir, ta ashi.
Noksatem aser o tongmelang ajanga nübortem dang osang tejangja sangoktsür aser ibaji temulung nung züngzünga ayur, ta Akumla-isa shisem.