Justice & Law Department-i jangjashitsür

Dimapur, September 15 (TYO): Nagaland Tribes Council (NTC)-i High Court Complex meyangluba indang osang ka sangdongba nung Justice and Law Department-i Hokolbarnü onük kar jangjashitsüogo.
Department of Justice and Law-i sangdong ka nung ashiba agi, High Court yangluba dak sendakba nung NTC-i RTI application agütsüba record mali. Maneni, High Court Complex indang lungji NTC-i ashiba ama masü saka taoba Chief Justice of India Justice K.G. Balakrishnan-i azüngtsüba liasü, ta Secretary to the Govt. of Nagaland, Khanrinla T. Koza-i sangdong nung shia lir.
Iba project indang jenjangji NPWD SOR’ 2010 ajanga Rs. 161.10 Crores ta shia lir aser osang sangdongba ama masü, saka Department-i Rs. 57.61 Crore nguogo. Sen lemzükba nungi Department-i gari lenmang, site leveling, Contour mapping, boundary fencing & retaining wall amala inyakogo aser main court kiji tang teyangludak lir, ta Khanrinla T. Koza-isa shisem.
Plan Sectoral Outlay mapang Planning & Co-ordination Department-i iba fund ji Negotiated Loan (HUDCO) kübok enok. NTC-i osang tejangja metetnüra onoki ashitsü mulunga lir saka kuli tejangja memeteti osangtem meprokshitsü ayongzüker, ta Justice and Law department-isa ashi.

You must be logged in to post a comment Login