Kari meshira parnoki koda angashitsü

Ajangla shiba dak parnoki mamang pa dang koda ashitsü? Aser shiba indang parnoki mangashi pa dang koda amangtsü? Aser sayutsüngir ka melira, parnoki koda angashitsü? – Rom 10: 14
Nai nisung kabo Khrista dangi anir aruogoma? Mesüra ana kata anir maru ta süra, kechiba? Iba mapa atema na sempet mali ta nai bilemer asü, mesüra iba atema na maja, iba ya teshimtet kari inyaktsüba ka dang ta nai bilemer asü? Yamaji ta asü nungbo, kechiba tenyaba wadang ya tamanger ajak nem nungloktsü? Yisui nütsüngtem dang ashi, “Nenoki oang aser kin ajak nütsüngtem kümdakjang… (Mathi 28:19). Asenok ajak ya Pa nütsüngtem lir, aser mission ya asenok ajak nem nungloktsü, anungji asenok ajak shilem mission nung lir.
Tenyaba wadang ya aseni inyakner asü masü ta shimtsüba ka masü. Asenoki ajak inyaktsü Yisui asenok nem nungloktsü. Anungji aseni inyakra Yisu dang tashi angar.
Osangtajungji mangashira koda amangtsü. Anungji mangashii alir dang, mesüra mamanger dang ashitsü kanga nüngdaka lir. Shibai ashitsü? Nai ashitsüla.
Sarasadem: Kibuba Yisu! Nai nungloktsüba Nü dang tashi angaa inyaktsü kü nem Nü Tanela tashi ain agüjangma. Amen.