KCA-i Sreesanth cricket asayadakjang ta BCCI dangi züluogo

Kochi, July 27 (Agencies): Hombar nü Kerala Cricket Association (KCA)-i Sreesanth nem tanaben cricket asayatsü temelaba agüjang ta Board of Control for Cricket in India (BCCI) nem tezüluba ka agütsüogo.
KCA Tir aser BCCI Tatong Tir T.C. Mathew-i, iba shidi ya BCCI Tir aser Tongti Tezülur naprongla dangi yokogo, ta IANS den jembidang shiogo.
“Court-i spot-fixing ken o nung maitsüi chioksang Sreesanth shiba BCCI-i cricket asayatsü tenokdangba agüja lir, pa dang nungi iba tenokdangba agienang ta temepishiba agütsüogo aser tang parnok telangzüba atatsüba dang lir,” ta T.C Mathew-i ashi.
KCA-i ashiba agi, aruya-a aliba Ranji Trophy nung Sreesanth-a Kerala telok nung shilem agitsü imlar.