Kechiba PM Modi-i Shivraj Chouhan pusemer: Rahul

New Delhi, July 09 (Agencies): Brihostibar nü Congress tatong Tir Rahul Gandhi-i, Ato kilonser Narendra Modi-i BJP chief minister ana- Vasundhara Raje aser Shivraj Chouhan na pusemer, ta aitsüogo.

Vyapam ochimashi ken o nung Madhya Pradesh chief minister Shivrah Singh Chouhan sashia aitsüdagi, ano külen IPL mendenbuba Lalit Modi pusemba asoshi Rajasthan chief minister Vasundhara Raje sashia aitsüdar.

All India Mahila Congress senden atemba sülen osangbenertem den jembiba mapang Rahul Gandhi-i, election mapang Ato kilonser Modi tenangzükbaji ”na khaoonga, na khane doonga (ochimashi maparen nung majemoktsü aser nisung shinga ochimashi nung majemokdaktsütsü,” liasü, ta ashi.

“Kechiba Ato kilonseri Rajasthan aser Madhya Pradesh lenir pusemer (?)” ta Congress lenir Rahul-i ashi.

“Kechiba Ato kilonseri Rajasthan aser Madhya Pradesh nung ochimashiba maparen melar; pai kodang Lalit Modi meyipa anir arutsü (?)” ta Rahul-i ashi.

Rajasthan Chief minister Vasundhara Raje-i Lalit Modi indang temepishiba ka pusemba kuli ka opposition jungkai adoktsüba nungi ano taliba la anema nokdakdagi.

You must be logged in to post a comment Login