Kerala tzüyimküm nung Iran senso 12 rong nung apu

Thiruvananthapuram, July 05 (Agencies): Deobar nü Alappuzha tzüyimküm anasa India tzü adena aitba rong ka Coast Guard temi puogo, ta police ketdangser kati ashi.

Iba rongji India tzüyimküm nungi nautical mile 52 pila oor navy rong teyari ajanga apuba sülen Vizinjam-i anir ao aser parnok dang asüngdangyatsü asoshi yangji mena alir parnok 12 pua lir.

“Intelligence aser navy ketdangsertem senteper team kati parnok dang asüngdangyadagi. Parnokji Iran senso südi. Tamasabo parnoki parnok lenmang sama aser memeteti India tzüi ait ta shiogo,” ta police tongti ketdangser kati ashi.

Linük amaktsü asoshi telungpurtem linük telungi aittsü merangtsü ta Intelligence osang ka ajanga metetdaktsüba sülen tzüyimkümlen Indian Navy aser Coast Guard temi kanga kümkümshir mitdagi.

Yaküm December 31 nüa Gujarat, Porbander tzüyimkümlem Arabian tzüyim nung Indian Coast Guard temi rong ka anguba sülen bomb amena bener aliba Pakistan nunger indang ango apuba rongji poksaja liasü.

2008 küm nunga Mumbai amaker parnok nisung ter Karachi nungi rong ka ajanga arua India nunger ango apuba rong ka rakzüker Mumbai tashi arua nisung 166 tashi kahseta liasü.

You must be logged in to post a comment Login