Khriehu Liezietsu-i Zunheboto nung multipurpose auditorium lapoktsü

Dimapur, July 15 (TYO) : July 14, 2015 nü (YRS), State Lotteries & Music Task Force Parliamentary Secretary, Khriehu Liezietsu-i Amiphoto Colony, Zunheboto nung multipurpose auditorium lapoktsüogo.
Terenlok mapa inyakba nung public, lennirtem, mulungtet teloktem, district administration aser state nung tematiba ketdangsertem ajak shilem lir, ta Liezietsu-i o jembidang ashi.
Iba sentong nung YRS Director, Asangla Imti-i tesentepertem pela agizük aser Zunheboto Deputy Commissioner, Temsu Longkumer-i okila jembi.
Zunheboto nung multipurpose auditorium yangluba indang osang Executive Engineer YRS, PWD (H)-ui metetdaktsü aser District Sports Officer, Zunheboto-i anküp tepela o jembi.
August 4 nungi 7, 2015 tashi 39 buba NBA Nagaland State Open & Inter District Badminton ji Zunheboto district nung asayatsü aser iba ya asayamung ya Multi Auditorium tasen den Indoor stadium tejenba nung asayatsü.