Khristmas Sempet

“Kari ni meimra, pai kü O angatsü: aser kübui pa meimtsü, aser onok pa dangi arutsü, aser pa den alitsu. Shibai ni memeimer pai kü O manger: aser nenoki kechi O angashir aji kü O masu, saka ni tenyaba Tebu O” – Yohan 14:23-24.
Yisu asoba anogo ya, Khristantemi kanga akhümtsübu aser tenüngsang tepela tulu agüja amonger. Khristmas ya Satani kanga tsübur aser sempar. Iba ya satan asoshi tamakok anguba anogo lir. Anungji Khristantem mulungjang nung tenokdangba aser Satan tashioktsüba tasaji kanga arur: tatishitsu agi, rongsen meimba, bejongbentsü meimba, temaitsü amshiba nung kongshir.
Ni tatem maka mulumi tasüba taa angutsü aliba melena kü dak kecha tajung meliaka Pai ni asoshi taküm tenla agütsüba yong, temenen tatokba angu aser joko masütsü saka tatem maka Kotak senmang angati angu. Pai odang meimba agi Kotakji Tsüngrem Chir taküm agi alangzükba sempet. Shiri ibai pei taküm nung tamang agi agizüka ali, shibaibo Pa memeimtsü? Tsüngrem nungi tatokba ngur Pa den temeim telongjem akaba taküm in dang Yisui ashiba angadangang. (Yohan 14:23,24). Khristmas nung Khrista ajanga Kodak Tebu Tsüngrem temeim agi kümzüker rongnung na adentsü ayonger, Asenok Yisui Kümzükba tejangja mekai lira, züzüa malitsüla! Tsüngremer temoatsüji agiti!
Sarasadem : O Tsüngrem, Iba Khristmas nungya nai koba onok nem sempet agüja lir item sempet ajanga na külemtsü tashi agüjangma. Amen