KIBUBA DANG NAI HA TA SHIANG

“Aser pai ashi, O Kibuba, ni nü dang mepishir; tangar ka ang yokangma.” – Anitet 4: 13
Kodang Tsüngremi Mosa Israel nungertem Ijip lima alar tia nungi anitettsü aja, idangji Mosai Tsüngrem dang tangar ka ang yokang ta langzü.
Peter danga mangdang ka nung Mosa ozüngi achitsü memelaba shiruru kar adoka sayu, aser Tsüngremi pa dang ashi, shishiang, Peter, tepsetang aser chiang. (T.Mapa 10: 13).
Peteri ma ta langzü. Tsüngrem dang asenoki ma ta mashitsüla. Mosai Tsüngrem dang ashiba ya, ni ya meinyaktettsü, ni metemsü, tangar ka ang yokang.
Tsüngremi Pa wadang kar asoshi na ajar asü? Nai memulungi teli. Au, ni meinyaktet nungbo koda ta bilemtsü nungtaker, kechiaser ni akoktsü ta asüküma bilemra, Tsüngremi parnokji mamshir. Anungji, ajemalua Tsungrem dak metaloker Pai ajaba langzüdi.
Sarasadem
Kibuba! Nai mulungba wadang ni inyakdi, Nai ni amshiangma.
Amen.