KIBUBA KA, TSÜKCHIR KA T.KEN 133:1

Ajiang adianutem külemi telungjem nung alitsü koda tajung aser jangratemtsü. T. Ken 133:1
Tezü nung aliba tsükchirtem dang nungi asen taküm nung aliba tsükchirji tashi taitba lir. Yisui Mathi 12:25 yimli ka mesüra yimti ka mesüra kibong lemsara noktaka melitettsü ta ashi. Süra arogo ka nung telemsa adokra noktaktettsü asü? Arogo tebilemtsütem nung tamajungtibaji melungjemii alibaji lir. Telungjem nung alitsü lenmang kar asenoki anogo ana mesüra asem bushidi.
Lenir Nungi Tenzükang
Telungjem indang jembidang teti T. Ken 133 nung shia alibaji amshir. Ken züluri tayimtenba O agi tenzük, “Ajiang adianutem telungjem nung alitsü koda tajung!” (t.1). Yangi “adianutem” Tsüngrem chirtem ta amshitsü akok. Iba telungjem tatishitsü noksa “totzü” aser “azüngtsü” amshiba angur. Totzü ayimba Temaba Putir Aaron kolak nungi tenzüka ayim. Hermonji Hermon Tenem nungi tenzüka ayim. Hermonji Palestine lima nung tenem talangtiba lir. Aaron sobutsü aser Zion tenem temji jagi Tsüngremer nübur sentepba tuyur. Aaron aser Hermon jagi telungjem indang jembir. Telungjemji tanishir nungi metenzük tashi among matentsü .
Asenok külem tsükchir ka lir ta metettang.
Efesa 4:4-6 nung Khristan telungjem aser teinyaktsü tenet sayur. “Temang ka… Tanela ka… Tsüngrem aser Tebu ka.” Tia maka iba mapa ya asenoki matalokdaktsütettter. Iba mapa inyaktettsü asoshi asenoki ano o ka bendenloktsü akok. “Arok tsükchir!” Kodang nütsüngtemi parnok den matenba kari Tsüngrem inyakba ngur songtemba Yisu dang ashi, Yisui parnok dang ashi, “Pa tesongtem; kechiaser shiba asenok anemer masü pa asenok den lir” (Luke 9:49-50). Khristantem parnoki asenoki inyakba ama meinyakaka, parnok asenok tsükchirtem masü. Asenok tsükchirji Satan lir.
Temeim Oba, Khrista telungjem temang nung shilem agir asütsü kü tangatetba ulutsü yariang. Amen.