Kibubai mulungba ama

” ….Aser Tsüngremi melaba ajak Noahi inyak.” (Lip. 6:22)
Noahi Kibuba tashi angabaji tesüngmangtsü ka liasü. Tsüngremi Noah nem mapa tasak aser kodanga meinyakdangba mapa ka nungloktsü, aser aji rong tulu ka yanglutsü ashi. Saka iba rongji Noahi mulungba ka yanglutsü ashi masü saka Tsüngremi koda yanglutsü ajak metetdaktsü.
Gofer sung agi yanglutsü, taktang aika inoktsü, iba telunglen aser temalen temenatsü agi nübangtsü, metong süklep noklang asem, lenten nung süklep tenem, touchi nung süklep semer, kichiba, kishi aser shiruru ajak abensa anana rong nungji anioktsü ashi. Iba rong Noahi Kibubai ashiba ama küm aika agia yanglu. Lai putishirtemi ashiba agi Noahi iba rong küm noklang ka ser metsür pungu shi agia yanglu ta ashir.
Tashi angaba nung kecha majangzük ta malir, Kibuba tashi angaba nung teti temoatsü ser takokba alir. Iba rong Noahi tashi anga yangluba ajanga par kibong rangben kümzük. Tanu asenok dang Noah dang ashiba ama rong yanglutsü mashir, saka kechi Kibuba asen mulung nung ajungshidir asenoki Pa dak tashi angadi, sera pai asenok nema temoatsü agütsütsü.
Sarasadem : Temeim Oba, ni ne dak tashi angatsü, nai mulungba ama ni tashi anga alitsü merangdi. Amen.