Kohima DC & DEO ajanga ‘Model Code of Conduct’ atema metetdaktsür

Dimapur, Aenjeti 18 (TYO): 13buba Nagaland Legislative Assembly atema General Election agitsü asoshi Election Commission of India ajanga Aenjeti 18, 2018 nung osang sangdong ka ajanga metetdaktsüba aser Aenjeti 18, 2018 anogo Chief Electoral Officer ajanga osang sangdongba nung ajemdaker political party aser candidate tem len anitsü asoshi Kohima district kübok tesem ajunga nung ‘Model Code of Conduct’ ya tang nungi tenzüka Election inyakyim matem tashi amshitsü, ta Kohima DC & DEO, Rajesh Soundararajan-i metetdaktsü.
Political party tem, election nung tokteptsü tebilemba aliba candidate tem, government department/establishment tem aser nüburtem dang iba sangdong ya temulung nung yur ‘Model Code of Conduct’ nung aliba ama shidak inyaktsü aser 13buba Nagaland Legislative Assembly atema General Election yimjung nung takok ngua agitettsü mechi district nung election ketdangsertem den amalitep akatsü asoshi kasa sangdong ajangasa metetdaktsü.