Kohima DC-i nüburtem dang sangdonger

Kohima, November 10 (TYO): Kohima Deputy Commissioner, Rajesh Soundararajan, IAS-i nüburtem dang, non-judicial papers nung jelia renemba mesüra terenem affidavit, sales deed ayokba khenyongi memelar, ta metetdaktsü.
DC-i, item ama documents ajanga tongtibang osang raksatsür, aser iba ozüng alema inyakertem nem temerenshi agütsütsü, ta metetdaktsü.
Iba den külemi dokantem nung legal documents ayokba ajanga lateta aliba ozüng inyakyim jenjang raksatsür; item ama documents ayoktsü khenyongi memelar; iba ozüng alema inyakba putetra ozüng kübok tapet section nung ajemdaker ken o benoktsü, ta paisa metetdaktsüogo.