Kohima nung badminton asayamong agitsü

Kohima, July 11 (TYO) : Indoor Badminton Stadium, Kohima nung July 17 nungi 18, 2015 tashi 2 buba All Nagaland Veteran & Sub-Veteran Badminton Tournament alitsü lemtetogo.
Iba asayamong sentong ya Nagaland Badminton Association kübok Evening Club, Kohima purtemi ayongzüker. Iba asayamong sentong nung asayar telok ana asütsü . Asayar telok kaji Veteran pur tasoba küm 45 nungi temapur aser tanga telokji Sub-Veteran pur tasoba küm 35 tema pur asütsü.
Iba asayamong nung shilem agirtem rongnung tang state player ana külemi masütsü saka district players-bo külemi asayatettsü.