Kohima nung International Day of Peace anogomong mongogo

Kohima, Sepetember 22, 2017: Brihostibarnü Mezhür Higher Secondary School Kohima nung Nagaland State Bharat Scouts & Guides (NSBSG)-i International Day of Peace 2017 ayoonga amongba sentong  nung tangokba noksa nung angur.

Kohima, September 22 (TYO): Tang mezüng Mezhür Higher Secondary School Kohima nung September 21, 2017 nü Nagaland State Bharat Scouts & Guides (NSBSG)-i International Day of Peace 2017 anogomong nung senton ayongzüka mongogo, aser iba sentong nung State Coordinator, State Resource Centre for Women (Nagaland), Kr. Gracy Ayee-i “Youth speech for peace” onük jembia liasü.
International Day of Peace 2017 sentong nung Mezhür Higher Secondary School nungi Scouts/Guides aser kaketshirtem den State Headquarter ketdangsertem aser Kohima district ketdangsertem aden.
State Organising Commissioner (Guide), Wt. Vimezhonu Tetso leniba nung iba sentong agi aser State Chief Commissioner of NSBSG, Wb. Atuo Mezhür Sekhose-i lokti pelaa agizük.
Sentong nungsa taoba mapang Headquarter Commissioner (Scout), Wb. R. Apollos-i sarasadem aser Mezhürium kaketshirtemi ken ana aten.
Loktii kija taküm nung tesünep, lokti nung tesünep aser alima nung yimjung atema sarasadema liasü aser State Training Commissioner (Scout), Wb. R. Albert Solo-i tepela anküp o jembia liasü.
Tanabuba sentong nung Nagaland State Bharat Scouts and Guides-i ayongzüka “Together for Peace : Respect, Safety and Dignity for all” omen nung otsünu (essay) tetoktepba agia liasü.
Iba tetoktepba nung mezüngbuba jenjang nung takok angurji Kr. Vivotsonuo Sorhie, tanabuba jenjan nung takok angurji Kr. Toinali Chishi aser tasembuba jenjang nung takok angurji Senbeni Yanthan liasü. Parnok nem senpet 3,000/-, 2,000/- aser 1,000/- den Certificates agütsü. Ano shilem agir ajak nema Certificate of participation agüja liasü.