Kohima nung Rebuplic Day nikongtsütsü sentong takok ngua kaogo

Dimapur, Aenjeti, 26 (TYO): 69buba Republic Day nikongtsütsü sentong Secretariat Plaza Kohima nung Aenjeti 26 nü kaogo aser iba sentong nung Chief Secretary, Pankaj Kumar, IAS tongti tesemdanger asü.
Iba sentong nung KMC inter ward Tug-of-War tetoktepba nung team ajak agi 13-i shilem agi aser PWD ward (11) puri akok. Parnok sülen tanabuba jenjang nung Kitsubozou Ward (5) aser tasembuba jenjang nung D block ward (6) liasü.
Secretariat United Football Club aser Nagaland police team na tsüngda exhibition football match ka asayaba nung telok kati danga goal magütsüi tembang.
Jenjang balala nung sempet agütsüba yamai alitsü:
Arm Category
1st – 15th Mahila (IR)
2nd – Mizoram Police
Unarmed Category
1st- No. 1 (NL) Air Sqn NCC
2nd – 1st Naga Girl NCC
School Category
1st – Mezhur Higher Secondary School, Kohima
2nd – Stella Higher Secondary School, Kohima
Exhibition
1st – Land Resources
2nd – NEPED
3rd – Agri