Kohima nung sen lakh 39.60 shi jenjang yi apu

Dimapur, August 19 (TYO) : August 18, 2015 nü Khuzama check gate nung Kohima Police-i garitem mita reprangdang Manipur leni aoba truck gari ka nung yi aika bena aliba apu.

Truck gari (B/R No. MN-01-8918) nung yi balala case 600 bena liasü aser itemji local market nung sen lakh 39,60,000 shi jenjang liasü, ta Sub-Divisional Police Officer & PRO Kohima sangdong ka nung metetdaktsü.

Truck gari nung yitemji ngashi bosta 120 agi nembanger bena liasü aser driver dang asüngdangya asüdang, yiji Guwahati nung oshiok aser Manipur nung BSF pur atema abenba liasü ta ashi.

Ajisüaka, ibaji medentsü atema kulikaket kecha maliasü aser police dang nungji jenbutsü atema kulikaket tangatem ang kar sayu. Iba dak sendakba nung nisung ana apu aser tenaji asür Md. Rahman’er jabaso Md. Sahidur Rahman aser Hafijiddin’er jabaso Md Ayub na lir ta jangjaogo. Tenaprongla ya Thoubal, Manipur nungi lir, ta Kohima Police-i ashi.

Tenaprongla puogo aser Khuzama P.S nung tena anema ken o ka benokogo ta Kohima Police-isa sangdong nung shia lir.