Kohima nung State level Inter-school tetoktepba balala agi

September 20, 2017 nü GIS and Remote Sensing Centre, Kohima nung state level inter school painting competition sentong nung Commissioner & Secy Planning, M. Patton aser Joint Development Commissioner, Nosazol Charles na den painting aser quiz competition nung takokertem külemi tangokba noksa nung angur.

Kohima, September 20 (TYO): World Space Week nüngtem nung September 20, 2017 nü GIS & Remote Sensing Centre, Kohima nung state level inter school painting competition agi.
Iba sentong ya Nagaland GIS & Remote sensing centre den NESAC, Department of Space & Indian Space Research Organisation senteper ‘Exploring New Worlds in Space’ omen nung ayongzüka agi.
Sentong nung jembidang Commissioner & Secretary Planning, M. Patton-i, pa mapang nungbo facility maliasü, saka technology & scientific renlokba ajanga tangbo facilities aika lir, anungji tanüasüng kaketshirtem yabo kanga tia taka, ta metetdaktsü.
Iba dak sendakba nung pai kaketshirtem dang kaket shisatsü angazükba dang masü saka maongka dang ngura sentong balala nung shilem agitsü ayongzük.
Iba sentong dak sendakba nung NESAC-i NESAC, Umiam nung exhibitions, popular talks, Quiz competition aser painting competition ama sentong balala ayonga agi.
September 20, 2017 nü NESAC, Umiam nung kaketshirtem atema space exhibitions stall lapoka liasü, aser yangji scientist temi space technology indang popular talks ajanga shilem agi.
Quiz competition nung mezüngbuba jenjang nung takok angurji October 10, 2017 nü National level competition nung shilem agidaktsütsü atema NRSC, Hyderabad-i yoktsü, iba den külemi world Space Week, NRSC, Hyderabad nunga adentsü.
Ano painting tetoktepba nung mezüngbuba jenjang asem nung takok angurtemji National level nung tokteptsü atema shimtsü asoshi NRSC, Hyderabad-i yoktsü.
State levels inter School quiz aser painting Competition nung school troki shilem agi, aser quiz tetoktepba nung Northfield school-i mezüngbuba jenjang nung takok angu, tanabuba jenjang nung Baptist High School aser tasembuba jenjang nung takok angurji Little flower School liasü.
Painting tetoktepba nung mezüngbuba jenjang nung takok angurji Northfield school liasü, aser tanabuba o tasembuba jenjang nung takok angurji T.M government higher sec. school nungi dang liasü.
Iba sentong ya Project Director, Er. Mathung Kithan leniba nung agi.