Kongro, Grace W Ezung-i Miss Wokha 2017 takok korang angu

Wokha, November 18 (TYO): Hokolbar aonung Local Ground Wokha nung Miss Wokha 2017 tetoktepba sentong agi, aser Wokha jila nung alir Yonchucho yim nungi arishi küm 22 kongro, Grace W Ezung-i iba takok korang angu.
Küm asem sülen ayongzükba Miss Wokha tetoktepba nung aiür parnok 8-i shilem agia liasü.
Iba osang sangdongba sülen Miss Wokha 2013, Dr. Abeni Khuvung-i Miss Wokha 2017 nem takok korang semja liasü.
“Miss Wokha Beauty pageant 2017” omenji “Enhancing Lives Through Beauty” liasü aser iba tetoktepba nung round pezü-Ethnic Wear, Designer Round, Casual Wear aser Formal Round (Evening Gown) liasü.
Iba tetoktepba nung tetendangertemji: taoba mapang beauty queen Tiarenla Jamir, senior news reader AIR, Jonas Yanthan, kaketzülur Mhalo Ezung, shisashir Zubeno Mozhui aser entrepreneur, Benthungo Kithan nunger liasü.
Ano 1st runner up aser 2nd runners up ji Liyingbeni Tungoe aser Lorenbeni Yanthan na liasü. Subtitles angurtemji Miss Beautiful Skin Marina Yanthan, Miss Talent Lorenbeni Yanthan, Miss Congeniality Rikhyolo Yanthan, Miss Photogenic Liyingbeni Tungoe aser Best Ethnic Wear Jonjibeni Ngullie nunger liasü.
Kasa sentong nung Rebecca Ezung, Meribeni Patton aser Lorina Khuvung nungeri ken balala ajanga lokti jangratemdaktsü.
Sentong nungsa Miss Wokha Beauty Pageant 2017 ayongzükertem- Renchan Women Welfare Society (RWWS) Wokha-i Lotha Ethnic Wear saya aser designer, Liyingbeni Odyuo indang collections sayaa liasü.
Sentong nung tongti tesemdangerji Commissioner & secretary Irrigation & Flood Control, N. Hushili Sema, IAS liasü.
RWWS Tir aser PD DRDA Wokha, Thungdeno Mozhui-i lokti pelaa asüzük aser Asso. Pastor WTBC, Zurenthung Humtsoe-i Tsüngrem temoatsü meshia sarasadema liasü.