Kou metsüktsü asoshi anepaluyim kar

Nisung ka taküm nung kou tsükba mapang ajurur, saka asen sasa iba kou tsükba nungi kümzüktsü asoshi sentong kar yanglua anepalutettsü asoshi ‘The Himalaya Drug Company’ nung scientists ajanga tetuyuba kar agütsüba tsünglanglen agütsür:
* Totzü talem agi nü kolak nung nemshiba ajanga nü kou nung teyari tulu agütsür. Iba ajanga nü indang tekolak nung anisüngzük agütsüba kisüng masü saka nü kolak nung aliba teküp nung azü jajaba tali rendaktsür aser iba ajanga kou tsüktsü aliba soita ayur.
* Kou akongtsü mesüra kou metongtsü asoshi machine balala amshiba ajanga nü kou tera aser tazünglen tashi meiti kümdaktsür. Kou akongba machine ajanga mopung talem agütsür aser kou metongtsü asoshi machine tatsük amshiba ajanga kou tera aser tazünglen soitba tashi samadaktsür. Anungji iba amala oset tetibo mamshitsüla.
* ‘Butea gum tree’ nung astringent lir aser iba ajanga tekolak nung aliba teküp tashi itdaktsür. Anungji butea aliba ‘anti-hair loss cream’ amshiba ajanga kou tsükba nungi kümzüktsü.
* Kou shitokba ajanga temang kanga sangwadaktsür, saka chemical aketba shampoo aser sapon agi teti shitokba ajanga kou takong kümdakja tashi luladaktsür aser kou tsüker. Anungji herbal shampoo amshia kou shitokba ajanga kou tsükba nungi kümzüktsü.
(Source : Internet)