Kou sentsü melentsü atema mozü amshiba ajanga Breast cancer adokdaktsütsü akok

Yimya balal ajanga tetsürtem dak ‘breast cancer’ adoktsüakok. Tetsür ka tain aküm dang, mesüra azü nungi aruba, temang kanga ulua kümdaktsüba, moko achiba, yi ajemba aser exercise magiba ajanga iba tashidak menatsü akok.
Tawa bushisüngdang tasen ka ajanga ashiba agi, kou sentsü melentsü atema mozü amshiba aser tanur mabentsü asoshi yimya balala inyakba ajanga ‘breast cancer’ atemtsü akok.
Bushisüngdang ka ajanga ashiba agi, ‘post-menopausal’ tetsür shirnok ‘hormonal intrauterine device’ amshir parnok shilem 52 agi ‘copper device’ amshir dang nungi iba tashidak temelaba atemtsü.
Kasa tongutetba ajanga ashiba agi, tetsür shirnoki kou sentsü melentsü asoshi mozü amshir parnoka, iba tashidak menatsü asoshi shilem 23 tashi agi tangar dang nungi temelaba menatsü akok.
* ‘breast cancer’ menatsü asoshi lendong tulutibaji, tetsür tanur menur asortem, tanur ishika dang asortem, yi ajemertem aser temang marakzüi moka dang alirtem asoshi alitsü, ta bushisüngdangertemi ashir.
Maneni tetsürtem shirnok ‘mammography screening’ agir parnok daka iba tashidak mela mela atemer.
* Tetsürtem ‘mammography’ agiba ajanga timtem bener arutsüba indang takok tashi metetdaktsüla, ta scientist, Heikkinen-i ashi.
Netherlands nunger bushisüngdangertemi ashiba agi, Mediterranean chiyongtsütem achiba ajanga ‘breast cancer’ menatsü asoshi shilem 40 agi tajemba kümdaktsür.
(Source – Internet)

You must be logged in to post a comment Login