Kü Vote Kü Molung

~Rongsennukshi, Arunachal Pradesh
rongsennukshi18@gmail.com

Joko polling day atongtsü anogo ishika dang lir. Iba sülenjibo Sorkar tasen tenteter küm pongu atema parnoki yimsü asütsü. Asenoki shiba shimer iba jagi asen lima tia metettsü.
2013 küm asenoki election mapang Rs 940 crore achi. Iba sülen küm pongu nüpurtem Kohimai mao. Asenoki shimteter adokdaktsüba MLA tem tongtipangsa NPF nung onsara shimtetji parnok o parnok na tekolak tsüketpdang külen khen külen ta luzütepa senzüdang pei constituency terenlok mapa ajak amadoker senzüdang küm ponguto oadokogo.
Metsü ozü ama küm pongu sülen ano sen bendener asen limai nüpu ayimi arua lir. Kechiba yamai MLA akümtsü rakteper ta süra küm pongu nung ano sen kwi bendentsü ? Ki kwi asütsü ta tebilemba yur sen bener nüpu ayimer.
Iba sen ya kong nungi angu ta shisadang nung department balala nung sen yamai bendena ayu ta osang ajanga asenoki küli nguogo.
Aji yamai lir:
Rural Development Department nung Rs 1000 crore,
Supply Department nung Rs 402 crore,
Asen anükabang M.Pillai Police Department nung Rs 1000 crore bendena bener lua Kerala nung yua lir. Iba den ano Nagaland Police Department indang Gypsy ka yua lir.
Planning & Coordination Department nung Rs 100 crore.
Iba amai bendena yur dang Election nung sen alemer. Iba sen ya asenok public sen lir. Kechiaser küm pongu asen lima kecha balaka terenlok mali. Lenmang tamajungba, tzü peria mangur, milen tesangwa peria mangur. Tongtipangsa kaketshirtem tatidang mapang temomilen tsükloker ang lesson bushir.
Iba ama tia ka nung ano election atonger. Anungji legislator 60 aser retired Government servant shirnok electioni yiner parnoki sen lemtsübaji ajaki pelaseta agizüktsüla. Saka candidate tasen shirnok tang mezüngbuba electioni ayir parnok senjibo meshia mechitsütsüla kechiaser parnokbo takar dang sen apur electioni ayir. Adokra temoa, saka madokra kibong ajak ali telungi alutsü.
Clean election tenüng nung pei vote pei molungba nung agütsütsüla. Shingaia tangar melen vote magütsütsüla. Naji voter ka dang. Anungji nisung shia pelateba tarensena nokdaker pei vote pei-i dang agütsütsüla. Election tempanger shinga Kohimai Minister den ajuruteptsü maotsüla kechiaser election mapang sen peria lemogo.
Iba ya kü nija tepileba lemsateper. Election temer mesasatsüsa tang sen peria lemdakjang
Küknalim.

You must be logged in to post a comment Login