Kvitova, Mladenovic nungeri kokogo

Moscow, Tsüklai 3 (Agencies): Rogonü (Friday) Australian Open nung takok angur aser World No 1 Caroline Wozniacki-i St Petersburg tetsür Trophy quarter-final asaya nung Russia tsür Daria Kasatkina-i 7-6 (2), 6-3 agi tsükdaktsüogo.
Fourth seed nung alila aser defending champion France tsür Kristina Mladenovic-i Czech Republic tsür Katerina Siniakova straight-sets nung koka iba asayamung atonga akoktsü asoshi jenjang tongtibang ka agiogo. Semi-final nung Mladenovic aser Daria Kasatkina na asayatsü asoshi jangjaogo.
Iba asayamung nungsa, Wimbledon anaben tashi bener alila Petra Kvitova-i game ana dang mekoki 6-0, 6-2 agi French Open nung takok ngur alila Latvia tsür Jelena Ostapenko madak ayong ayonga takok nguogo. Tena tsüngda asaya minute 58 asayaa liasü.
Germany tsür Julia Georges-i Russia tsür Elena Rybakina madak 6-3, 6-3 agi takok ngutetogo. Kvitova aser Elena semi final asayatsü.
“Iba asayamung nung tetokteper balala den asaya takok angutsü kanga temela masü, aser semi-final nung takok angutsü atema ni kanga junga asayatsü nüngdaker,” ta Georges-i ashi.