Kylie Minogue-i ‘European Intimate tour’ atema sangdong

Tsüklai 09, 2018: Kentener, Kylie Minogue-i Metsüremi (March) ita nung anogo pongunü European tour nung intimate club venues nung kentena senzütsü atema sangdongogo.
‘Dancing’ ken atenla, Kylie-i London nung aliba Café De Paris nung March 13 nü ken atentsü, iba sülen Manchester, Barcelona, Paris aser Berlin yimtitem nung ken atentsü.
Item kenten sentong dak sendakba nung lai, ‘Nüngtugu clubs nung kü kensep tasenba ‘Golden’ nungi kentem atentsü ni matateter. Item tesem ajungaji junger aser, item kenten sentongji tasen asütsü,” ta ashi.
April 6, 2018 nü lai la kensep tasenba ‘Golden’ sayatsü sentong lir.
Arishi küm 49 kentener, Kylie-i country music yimti, Nashville nung item ken mejema record asü, aser lai ashiba agi, ken tasen mejemtsü atema iba yimtiji kanga tetemsü.
2017 küm tetenzüklen Kylie aser tedong, British actor Joshua Sasse na pilaadok aser lai ashiba agi, ken zülubaji la atema anizüngzük tulu ka liasü.
Item kenten sentong atema tickets ji Tsüklai 15, 2018 anepdang 10:00 ako nungi tenzüka Kylie indang website ajanga ayoktsü.
Kylie Minogue indang European tour anogotemji:
* March 13, Café De Paris, London, UK
* March 14, Gorilla, Manchester, UK
* March 16, Bikini Club, Barcelona, Spain
* March 18, Café de la Danse, Paris, France
* March 20, Berghain, Berlin