Laishiba artsü (Yihuda 17-25)

“Ne O kü tsüng asoshi milen aser kü lenmang asoshi tesangwa lir.” (T. Ken 119:115)
Tsüngremi tangatetba agütsüba rongnung mezüngbubaji Tsüngrem O lir.
Pentecost Anogo nung Tanela Temeshi alubaji Yihuda nunger otsü nung matalokdangba atalokba otsü liasü. Temaba Taktang nung atalokba angartem süngmanga liasü. “Ibai koda (?)” ta parnok rongnung asüngdangtep. “Ya kechi tetezü?” (T.M. 2:8,12). Tenyar Peteri iba indang ratetta ashi, “Saka iba indang Yoel ainkar agi ya jembiogo” (t.16). Iba anogo kechi atalok iba tatembangba tashiji zülua akaba Laishibaji lir. Tatalokbaji dang masü saka tenyartemi parnok sermon nung aser taküm kuli nung ibaji amshi (2 Kor. 4:13; 1 Kor. 1:31; Rom 12:19; 14:10-11; 15:2-3).
Tenyartemi aser tamangertemi iba nungi kechi angazükdaktsüner ajiang: “Adianutem, kechi zülua ali iba dak alema mebenshitsü onok dak angazüktsü, aser tesayur kati ka anema mezümeküm masütsü…” (1 Kor. 4:6). Item tongtipang ozüngtem tenyartemi kong nungi angazük? Tejangja Khrista parnok kibur nungi shibai Tebui Tanela masadangi dang agütsü, “Ya zülua lir” ta latetta aliba kübok mapa inyak. Kari paji mezüja shimtetba asünung pai zülua akaba Laishiba atena oa inyaktsü akok ta bilemra aji tesüngmangtsü ka asütsü. Temeimba talila Laishiba aser jungkai adokba bener marutsü kümdangang! Sayutsüngir kari Yohan 20:30 ji ain jungkai adokba ta jembir. Parnoki “Yisui iba kaket nung zülua maliba sayatenya aika inyak” ta ashiba O nung atsükoker parnok metentsü meranger. Saka item temeten O jembirtemi Yohani iba tekong sülen kechi zülu ibaji merepranger: “Saka Yisuji Khrista, Tsüngrem Chir, ta nenoki amangtsü asoshi, O itemi zülur (t.31). O ka nung asenok taküm Khrista nung taküm alitsü asoshi zülua aliba O dak alema tanga tongtipang kecha mali. Kechisa zülua lir aji teperi! Lairen meyipa nung tongtipang tetuyuba kaji “Mokurai O telangtep!” Laishiba kong anener idakji anenang! “Akhi artsü teindok” (A. Shin 22:28).
Shi nisungi teti tamaren nung jangrar saka Yisu “Yashi, tanü aser teti kasa dang.” Anungji tesayuba balala aser memetetba tesayuba… (Ibri 13:8-9).
Shingaia Laishibaji mesentoktet; asenok küm den kaketji tesatemba aser tarokba akümer (C.H. Spurgeon, 1834-1892).
Oba, Ne O tem angateta meimtsü tangatetba shisatsü kü nem moajang. Amen.