Landmark & Residency joint council-i aitsür

Dimapur, July 7 (TYO) : July 4, 2015 nü PWD office complex nung Anil Kumar Sharma-i Krishna Bahadur Sharma tepsetba kukua aitsür, ta Landmark aser Residency colony joint council-i sangdong ka ajanga metetdaktsüogo.
Khristan state ka nung iba ama meimchiri meinyakba mapa inyakba atema kanga aoksar, ta joint council sangdong nungsa shia lir.
Ozüng amertemi nisung tepseter nem tapet temerenshi agüjang aser ano bangdak department-i takoksa ajurur kibong nem teyari agüjang ta Landmark Council Chairman, L. Temjen Imsong aser Residency Council Chairman, Simon Keilo nati külem sangdong ajanga takhangba agütsüogo.
Ano, Landmark aser Residency colony nung ozüng anema yi ayoktsü aser public tesem nung yi ajemtsü memelar. Iba dak sendakba nung council anapronglai mapang shia mita aotsü aser ozüng anema inyakertem merenshitsü. Iba denji joint council-i colony ana telungtet nung Tambola asayatsü memelar, ta Landmark aser Residency colony mendenpurtemisa metetdaktsüogo.