LG-i alima nung tan mezüng 4K OLED TV India nung sayaogo

New Delhi, August, 25 (Agencies): Nüburtemi TV screen tululu aginüa sapuba dak rangloker LG-i India nung 4K OLED TV tapu ana sayaogo.
Sen jenjang lakh 5.79 alang TV nung screen inch 65 keta lir aser sen jenjang lakh 3.84 alang TV nungji screen inch 55 keta lir.
“Alima ajak nung onoki taküm TV set million kabosa yokmatsü imlar saka India nungbo taginer kanga ajema lir. Onoki India nung OLED TV aginer aika adoktsü kanga imlar,” ta LG India Director Home Entertainment, Howard Lee-i Delhi nung osangbenertem dang ashi.
Tang screen inch 40 keta aliba LG TV tem noklang nung shilem 49-50 shiang India nung yoka lir. LG-i India nung OLED TV tem ayokba jenjang tali tajungba akümtsü asoshi meranga inyaktsü, ta pai ashi.
India nung LG OLED TV tila-a yanglutsü asü, ta asüngdangba mapang Lee-i, “LG-i OLED TV tilajia yanglutettsü saka tang tashi nungbo ibaji atema kecha telemtetba mali,” ta langzüa liasü.
Alima ajak nung küm asem asoshi OLED TV yangluba nung LG-i US sen billion 8.5 indoktsü tebilemba lir.
South Korea nunger company LG-i Pune nung TV yangluba inyakyim aser tesem ajak ulushiogo. Küm nung unit million ana yanglua aliba tangbo unit million asem yangludar.

You must be logged in to post a comment Login