LG-i India nung Q6+ sen 17,990 agi sayaogo

New Delhi, September 20 (Agencies): Bodhbarnü LG Electronics-i India nung ‘LG Q6’ upgraded version ka, ‘LG Q6+’ 4GB RAM aser 64GB memory keter sen 17,990 agi sayaogo.
Kanga jangja angutsü aser reprangtettsü asoshi 18:9 wide screen keta aliba aser, facial recognition aser military grade durability keta aliba iba smartphone ya Bodhbarnü nungi tenzüka retail dokantem nung angutsü.
“LG Q6+ tasenba ya India nung sen kanga tasak mesüi anguba oset rongnung technology tajung agütsüba oset ka lir. Iba smartphone yagi tamshirtem nem kanga dang nüngdakba technology ajak dang tajungba agütsütsü,” ta Chief Marketing Officer, LG Electronics India, Amit Gujral-i sangdong ka ajanga metetdaktsü.
Q6+ nung 5.5-inch FHD ‘Full Vision Display’ technology den ita trok tsüngda screen angati khen melentsü offer keter arur.
Smartphone 5MP 100-degree wide angle selfie camera lir aser ibaji ajanga nisung aika khen nung tangoktsü kecha tebilemtsü mali. Phone tesülen 13MP camera inokja lir.
Phone rangben nem 3,000mAh battery janga tashi agütsür, Qualcomm Snapdragon 435 chipset aser Android 7.1.1 Nougat operating system ajanga mapa inyaker.