Linkin Park-i Bennington nüngtem nung kenten sentong akatsü

September 19, 2017: Nüngtugu kentener telok ‘Linkin Park’-i par telok nung tongti kentener, asür Chester Bennington nüngtem nung pa nem akhüm agüja kenten sentong ka katsütsü ta tamalen sangdonga liasü.
Chester nem akhüm agutsütsü atema ayongzükba sentongji October 27, 2017 (Hokolbarnü) Hollywood Bowl, Los Angeles nung akatsü, ta yashi sangdongogo.
Benington ya taküm July 20, 2017 nü soseta asü.
Osang angazükba agi, iba kenten sentong nung par telok dak alia tangartemia shilem agia ken atentsü.
“Alima nung taküm aika melungjang nung kongshisang nem akhüm agüja iba aonungji mamatettsüsa ka agitsü,” ta parnoki metetdaktsü.
Linkin Park teloki iba sentong nungi ajangzüktetba senji Chester nüngtem nung Music For Relief’s One More Light Fund nem tenla agütsütsü bilemdar.
Iba kenten sentong atema September 19, 2017 nungi ticket ayok tenzükogo, aser September 22, 2017 nü tashi ayoktsü.
Taküm July 20, 2017 nü Bennington-i pa arishi küm 41 lia soseta asü.
Iba anogo nung pa par kidang- Palos Verdes, California nung pa sasa lisü agi alenseta sür lia angu.
Bennington-i kinüngtsü den tanur trok toktsür asü.