Lok Sabha MP, Rio aser Minister, Kronu nati Rajnath ajuru

Dimapur, December 07 (TYO): Brihostibarnü Lok Sabha MP aser taoba mapang Nagaland Chief Minister, Neiphiu Rio den Environment, Forest & Climate Change Minister, Neiba Kronu nati New Delhi nung Union Home Minister, Rajnath Singh pa indang office nung ajuru, ta tanü PRO New Delhi, Kuolie Mere-i sangdong ka ajanga metetdaktsü.
Union Home Minister den senden tatsüka amendang Neiphiu Rio-i pa dang Naga yimtenren onük tekaraba nung latettsü atema mepishi.
Rio-i, Naga yimtenren onük latetba ajanga state aser North East Region nung terenlok asoshi lenmang lapoktsütsü ta metetdaktsü.
Ano Home Minister, Rajnath-ia, December 8, 2017 nü pai state semdanga Hornbill benjung nung adenba mapang nung state lenirtem ajurutsü, ta metetdakja liasü, ta kasa sangdong nung shia lir.