Madhuri, Dhamaal film nung Anil den külemi inyaktsü yongyar

Mumbai, December 6 (Agencies): Film nung kanga dang tapet couple, Madhuri Dixit aser Anil Kapoor na küm 17 lir Inder Kumar indang film ‘Total Dhamaal’ nung külemi shilem agitsüba atema renema lir.
Tena külemi tatembangbuba 2000 küm Pukar film nung shilem agia liasü. Madhuri aser Anil na külemi Beta, Parinda, Tezaab, Ram Lakhan nunger amala nüngtugu film tem nung shilem agiogo.
“Ni Anil den küm 17 lir külen külemi shilem agitsüba lir. Ni iba atema kanga yongyaa atar. Iba film ya comedy aser entertaining film ka lir,” ta Madhuri-i osangbenertem dang ashi.
Dhamaal film tasembuba nung maneni ano Ajay Devgn, Riteish Deshmukh, Arshad Warsi aser Jaaved Jaaferi nungeria tongti shilem agitsü.
Iba olen ya Madhuri-i Star Screen Awards sentong nung adenba mapang shia liasü.
Laisa ashiba agi, Priyanka Chopra-i teyari agüja la taküm otsü indang TV show ka tang teyangludak lir, aser la kanga yongya atatar.
New York nung amendaker aliba writer Sri Rao-i Madhuri indang comedy series ya züludar. Iba otsü ya lar kibong America nung oa settle asüba otsü ka lir.
Madhuri, Shriram Nene den kibong akümba sülen Denver, US, nung alitsü asoshi ao aser la idakji küm 12 liasü. La 2011 küm la kinungbo aser jabaso den külemi India-i 2011 küm meyipa aru.