Malaria tashidak indang temetettsü kar

Merla shiai bena aliba parasite tem ajanga malaria tashidak menaloktsür, ajisüaka merlai metepba shia malaria memenar, ta scientist temi nguteta lir.
Merlai nisung dak metepdang, parnok metsü adokba gland nung aliba microscopic parasites asenok dak inoktsür aser item mesenji azüi aoer.
Item mesenji temesen nung sendener aser anogo 8 nungi 30 tashi nung inteta aii kümer asenok azü jajaba lenmangi prokshia malaraia agi shirangdaktsür.
Malaria menatepba asadangtsü atema bushisüngdangertem aser World Health Organisation (WHO) temi entomological inoculation rate (EIR) inyakyim
amshir. Iba inyakyim ya ajanga küm nung nisung ka dak merlai kwiben metepba ajanga malaria adoker ibaji tendanger.
Aji oda saka iba ya ajanga merlai khen metepba nung lendong koba ama keta lir ibaji masadanger.
Tang bushisüngdangertemi ngutetba agi merla kati parasites koba ama timba bena lidir iba amaji malaria menar ta ngutetogo.
Ano merla kar agibo tashidak kanga kara menaloktsür, item merila tem dang ‘hyperinfected’ mosquito ta ajar.
(Source – Internet)