Manipur nung ILP takhangba agüja ananübuba lungkak aiter

Imphal, August 06 (Agencies): Manipur nung Inner Line Permit (ILP) system takhangba agüja tanü agi ananübuba state tesem ajunga nung lungkak aitba ajanga nüburtem libaliro kongshiogo.
Yashi den kasa tanü-a gari mesenzü aser dokan, shishilembaba tesem ajak shibanga liasü.
Tanü Imphal nung lungkak aitertem aser police na tsüngda rara adoka liasü, saka nisung asüba mesüra yiruba osangbo kecha maliasü.
Police-i ashiba agi lungkak aitertem jagi capital complex leni aoba gari lenmangtemji merang indong, süngdong laodaktsüba aser lung tulu agi mokdang.
Lungkak aitertemisa nisung aser gari mesenzüdaktsütsü asoshi gari lenmang nung garitsüng arong, ta police-i ashi.
Imphal East, Imphal West, Thoubal aser Bishnupur district tesem balala aika nung lungkak aitertemi “Manipur nung Inner Line Permit benokang”, “Pua aliba kaketshirtem ajak chiokang” ta yimyim ayimba angashiogo, ta police-isa ashi.
Joint Committee on Inner Line Permit System (JCILPS) students wing-i state nung ILP asoshi mapang talangka nungi takhangba agüja arudagi