Mapa tuluka inyakang, saka o-bo ajema jembiang

Alokba : Hai lanurtem… oboulai o ka shidikor nenoki kanga tenok tenoka angang no… Ena… Mapa tuluka inyakang, saka o-bo ajema jembiangma noo…
Lanur : Obou…. nai teti onok dang olong rangben ka-ka süoka doktsür, onok kangasa ratamata-a mangmangdaktsür ako… imlibilema jungjunga rasa-a shiangjo ???
Alokba : Ena… lanurtem, tanü nenok lanurtem tashitemetet nungbo onsara tejakleni oadokogo…. alima terenlok aser rongsen takaba jenjang nunga anüng tonga tuadokogo… Ajisuaka ano sobaliba libaliroyim nungbo otsüla oboula nunger mashi-malu nisung ka madoksa adii… nenoki chiyungtsübo tulu chiyungnur, saka mapabo meinyaknür…. subosolemtsübo tajung dang subonur, saka pei sasa inyaktetba kecha maka azümesen… o-bo tulu jembir, saka mapabo mali. Anungji “Mapa tuluka inyakang, saka o-bo ajema jembiang” noo….
Lanur : Eeeesssh… obou o jembitsü küla kechi tasak ali… temeli tetsü ka ya jushitsü kecha tasak mali ako… saka mapabo kecha meinyakner aannnii….hii..hiii…

~Lilir : L. Kika Pongener, Aoyimküm, Dimapur.