MAPANG ASER MAPA

Nenoki medemer o medemer na meimtepra ajangla iba jagi nenok Kü nütsüng ta ajaki metettsü. Yohan 13:35
Nüburtem dang ajungben mapangji angatetdakjang.
Sabang nungi majungmesora nübur dang junga osang magütsü mesüra kecha junga marutettsü. “Kechiyong jangzüi ola shitak madokra, shibai raratsü renemtsü?” (1 Kor. 14:8). Nehemiahi aniba nung nisung ajaki anidakba asenoki angur (Neh. 8:1). Ya koda atalok? Nehemiah tanishirtem dang aser nüburtem dang tensa mapangji rateta ashi aser ghonda nung nüngdakji angatetdaktsü aser ajungmeso. Nüburtemi tanishiri ajungshiba tanelaji angatet aser shidak ta agizük (Neh. 2:17, 18; 4:6). Tayongzükba koda tuluba asür yamaji bendanga agütsüba tarokba asür! Tsüngremer nübur lenir teka külen Laishiba aser teka külen osangtsüsang kaket amtsüla. Alima osangji anema Laishiba osangji meyipa ashi nung dang sabang den tapet asütsü. Ibaji parnok sermon nung ainkar osangji asütsü.
Sayutsüngiren sabangji ajak asoshi amshiang
Ajaki mulungba inyakba sentong nung tebilembatem angatettepa Kibubai Tenyaba Tulu nung teka amteper inyaktsüla. Sayutsüngiba mapaji telungjem mapa lir. Otsü ka nung ashir, rong anishirtem rong nungji raratepya liasü. Saka kodang parnoki rong nung amener nisung tzüyim nung arüksetya angu parnoki raratepba to amadoker tzüyim nung süya aliba nisungji parnok lungjemer kümzüktsü merang. Ibaji sayutsüngiri inyakba mapaji lir. Mapa tulu aser terongdak nüngdak angatetba ajanga tila-tiri mangatettepji amatoker mapaji takok ngua atemtsü bilema telungjem nung inyaker.
Tsüngremer nüburtem telungjem tatembangba nükjitongji alima nung kangki osang yutsütsübaji lir (Yn. 17:20-21). Tangar arogo den sendaktepa sayutsüngiba mapa nung asenok atenba ajanga telungjem lemang melamelaa lapoktsür (Efesa 4:12-13).
Oh, asenok ajaki alimaji Khrista asoshi akoktsü merangdi; Lemjem aser tenem nung tanelatem temenen nungi kümzüktsü bushidi. Alima ajaklen tepela osangtajung yoktsü kin ajaki tepelaji mangashi tashi! (W.B. Williams).

You must be logged in to post a comment Login