Maruti Suzuki-i sen lakh 4.21 jenjang Celerio Tour H2 sayaogo

New Delhi, Tsüklai 2 (Agencies): Maruti Suzuki company-i Celerio hatchback mesükba nung Tour H2 gari tasen ka sayaogo; Iba gari ya alakteta cab aggregators atema yangluba lir. Gari jenjang sen lakh 4.21 (ex-showroom, Delhi) alitsü. Maruti Celerio taoba model LXi (O) nung aketba mesüka Tour H2 gari yanglua lir.
Tour H2 model nungsa speed-limiting device ji standard ka ama keta arutsü. Kechiyong, tawa India sorkari, taxi gari nung speed-limiting device enoka yanglutsü ozüng agüja lir. Ibaji ajanga India nung gari lendong aika atalokba nungi azüoka aser kümzüka alitsü atema ozüngi melaba ama inyaka lir.
Maruti indang Dzire Tour S taxi nung speed telatet amshiba ama Tour H2 indang top speed ji 80 Kph tashi dang alitsü.
Maruti Celerio nung aketba ama Tour H2 nunga kasa hp68 tashi aser Nm90 alitsü, cylinder 3 aketba petrol engine den five-speed manual transmission, driver atema side-airbag aser steel wheels keta angutsü.
Maruti gari yanglurtemi tawa Tour H2 sayaogo aser taruba 2018 Auto Expo nung third-gen Swift sayatsü renema lir.

You must be logged in to post a comment Login