Maruti Suzuki Swift variant 4 nung Automatic Gearbox keter angutsü

Delhi, Aenjeti 19 (Agencies): 2018 Tsüklai Auto Expo nung kanga dang yongyaa aliba Maruti Suzuki-i tanabuba generation swift sayutsü renema lir. Maruti company indang swift ya tapü 8 tashi nung angütsü, aser iba gari 4 tashi nung Maruti pur indang coveted AGS automatic gearbox keta aliba angutsü. Company-i iba gari sentsü tanga pongu den külemi Prime Lucent Orange sentsü nung saystü asoshi sentong lir.
Taoba küm 2017 Geneva International Motor Show nung Maruti Swift tasenba ya sayua liasü, aser iba gari ya K12 VVT engine aser DDiS 190 engine nung angütsü. Alima tesem ajak nung Swift tasenba ya engin tapü ana tashi angutsü; ka 1.0-litre BoosterJet engine aser tanabubaji 1.2-litre DualJet engine, koba totzü ajema atsüktsüba dak rangloker yangluba lir.
Terprangtsü nung Maruti Suzuki tasenba nung ya LED daytime running lights (DRLs) headlamp keta lir aser iba den külemi bumper tasen aser grille design keta aliba angutsü. Ajisüaka gari indang side profile ya tang anguba Swift garitem den kasa dang asütsü.
2018 Maruti Suzuki Swift telong nung flat-bottom steering wheel aser twin-pod instrument cluster tasen keta aliba angütsü. Iba nung maneni touchscreen infotainment system dena keta lir. Iba infotainment system yagi Android Auto aser Apple Carplay dena support asütsü.
India nung shishilembadak Maruti Suzuki Swift tasenba ya sen Lakh 4.78 nungi Lakh 8 tashi nung angutsü imlar. Iba jenjang telemsa nung, swift tasenba yagi Hyundai Grand i10, Tata Tigor aser Nissan Micra amala garitem den shishilembadak tokteptsü.