Maruti Swift tasenba India nung sayaogo

Tsüklai 8 2018 (Agencies): Yangtepnü (Brihostibar) 2018 Auto Expo sentong nung tasembuba-generation Maruti Suzuki Swift sayaogo. Taküm kanga yongyaa ataba Hatchback gari Swift ya sen lakh 4.99 (ex-showroom price Delhi) agi tenzüka ayoktsü. Gari indang design melenshiba den fuel efficiency tajungba aser gari safety tsütsülen tajungba nung yangluba agi taoba generation dang nungia Swift tasenba yagi takok tulu angutsü imlar.
2005 küm nungi India nung Swift sayaa arur külen taküm mezüng iba gari nung design tsütsü temelenshiba angutsü. Gari tejaklen aser tesülen temelenshiba alitsü. Gari tejak nung headlamp bug-like den single frame grille keta lir aser iba kasa gari mesükba tapu balaka, koba jenjang timba alitsü, iba nung tejaklen projector headlamp den LED DRLs keta alitsü. Gari tetsüng len dual-tone alloy wheels keta lir aser tesülen LED lighting inoka yanglua lir.
Sport car ama anitsü mechi gari nung flat-bottom steering wheel inoka yanglu. Gari telung nung SmartPlay infotainment system alitsü, iba ajanga Android Auto aser Apple CarPlay den auto climate control support asutsü.
Maruti Suzuki Swift tasenba ya HEARTECT platform pungobuba-generation indang Baleno aser Dzire gari nung ajemdaker yangluba lir.
Taoba indang Swift ama tasenba nunga kasa engine 1.2-litre VVT petrol engine mesüra 1.3-litre DDiS 190 diesel engine keta lir. Tajung kaji, Petrol engine nung 82bhp tashi den 113Nm torque alitsü. Diesel engine nungbo, 74bhp tashi den 190Nm torque keta alitsü. Gari anaprongla nung engine transmission ji five-speed manual mesüra automatic transmission keta alitsü.
Iba gari generation tasenba den külemi, Swift line-up nung tan agi mezüng auto gear shift technology inoka lir. Automatic technology ajanga tanirtemi kecha timtem meli anitsü, iba den külemi fuel efficiency tsütsü tajungba alitsü. Maruti Suzuki company puri Swift tasenba gari pezü nung AGS (Auto Gear Shift) technology inoka yanglua lir. Petrol engine ana den diesel engine ana alitsü.
Maneni, safety tsütsü reprangdangra, gari telung nung tejaklen airbag ana, ABS (Anti-lock breaking system) den EBD (Electronic brakeforce distribution) aser ISOFIX standard ama Swift gari ajak nung keta alitsü.
Authorised dealership ajanga Sen 11,000 agi 2018 Maruti Suzuki Swift tasenba makazüka yutettsü. Gari sentsü; Pearl Metallic Midnight Blue, Solid Fire Red, Pearl Arctic White, Metallic Silky Silver, Metallic Magma Grey nung angutsü, aser tasenba Pearl Metallic Lucent Orange nunga angutsü.