Medoyoto aser Ngopisa nati Indigenous Go Cart Racing tetoktepba akok

Medoyoto aser Ngopisa nati Indigenous Go Cart Racing tetoktepba akok

Medoyoto Kotso & Ngopisa Kotso, nati  Indigenous Go  Cart Racing, kokogo. Noksa nung tetoktepertem angur.

Kohima, December 05 (TYO): Hornbill Festival 2017 nung shilem ka ama Go Travel, Kohima ajanga December 5, 2017 anogo Indigenous Go Cart Racing tetoktepba ayongba nung Kidima yim nungi Medoyoto Kotso aser Ngopisa Kotso nati temaba jenjang ngutetogo.
Iba sentong ya Mongbular anepdang 7:00 ako nung Thejakielie Zuyie-i NSF Martyrs’ Park anasa tenzüktsü aser Ao Church Kohima anasa aliba Phoolbari nung tembang.
Tetsü-tebu mapang nungi asaya aruba ajungkettsü mechi iba sentong ya küm shia Hornbill Festival nung ayonga agir, ta sentong ayongertemi ashi.
Iba tetoktepba nung anabuba aser asembuba jenjang ya Phesama yimtsüng nungi Kedo & Kelezo aser Khriedi & Neilhouvoto Chuse nungeri angu.
Iba tetoktepba nung team 40-i shilem agi aser mezüng aser tanabuba jenjang nguteter nem gear aketba cycle ana-na agütsü aser asembuba jenjang angur nem gear maketba cycle ana agütsü. Iba sentong nung shilem agir ajunga nem kuli kaket agütsü.

You must be logged in to post a comment Login