Medziphema ADC-i co-ordination meeting agi

Dimapur, July 11 (TYO) : Tawa tasen shimba Medziphema ADC, Sara S Jamir-i Medziphema sub division kübok aliba Heads of department ajak den co-ordination meeting ka agiogo.
Iba senden nung ADC Sara S Jamir-i ketdangser ajak dang subdivision ajungkettsü aser renlokdaktsütsü atema külemi longjemer inyaktsü ayongzük.
Laisa department ketdangsertem dang pei pei department kübok inyakba projects /scheme nungertem indang osang administration den lemsateptsü atema mepishia metetdaktsü.
Brihostibarnü agiba senden nung, Medziphema sub division nung ita ana shia khen coordination meeting alitsü telemtetba agi aser item senden nung department ananai pei department indang osang lemsateptsü.