Meghalaya aser Tripura CM tem dang nungi Nagaland CM takartiba

Shillong, Tsüklai 17 (Agencies): Northeast kübok Tripura, Meghalaya aser Nagaland state tem nung assembly elections agitsü atema candidate temi agütsüba affidavit tem nisung ajaki reprangtettsü.
Parnoki agütsüba affidavit nung zülua aliba ajakjibo shitak masütsü akok saka asenoki osang karbo metettsü akok.
State asem nungi Chief Minister takartisangji Nagaland CM TR Zeliang lir. Pa sülen Meghalaya CM Mukul Sangma aser tasembuba nung Tripura CM Manik Sarkar lir ta parnoki agütsüba affidavit ajanga sayur.
Tripura CM Manik Sarkar ya India nung Chief minister sensaktisang asütsü aser pa ket nung sen 1,520 aser pa indang bank account nung sen 2,410 dang lir.
Meghalaya CM Mukul Sangma-i taoba küm pungu tsüngda rongsen talila bendenlokogo. 2013 küm pai agütsüba affidavit nung pa indang rongsen Rs 1,44,01,316 alang lir ta ashi aser taküm agütsüba affidavit nung Rs 2,98,75,433.87 lir ta shia lir.
Tatemsa, Nagaland CM TR Zeliang indang rongsen ajak agi Rs 3,18,84,855 lir ta shia lir. Pai agütsüba affidavit nung Rs 1,23,54,855 (movable assets) aser Rs 1,95,30,000 (immovable assets) lir ta shia lir.

You must be logged in to post a comment Login