Meghalaya election nung tetsür crorepati 10 tokteper

Shillong, Tsüklai 10 (Agencies): Meghalaya Assembly election nung candidate takartisangji Umroi constituency nungi NPP candidate Ngaitlang Dhar lir aser tetsürtem rongnung takartilaji Williamnagar constituency nungi Congress MLA Deborah C Marak lir.
Deborah ket nung sen crore 12.343 alang rongsen lir aser ibaji lai agütsüba affidavit nung shia lir.
Küm 5 tsüngda Deborah Marak indang rongsen sen crore 5.78 agi teimba aküm.
2018 Meghalaya Assembly elections nung tetsür crorepati candidate ji la dang masü saka la dak alia tetsür parnok 9 lir.
Tetsür Crorepati 9:
Mahendraganj nungi Dikkanchi D Shira (INC): Tang teinyakdak MLA Dikkanchi ya Chief Minister Dr Mukul Sangma kinungtsü lir aser la ket nung sen crore 10,20,27,481.56 alang rongsen lir.
Ranikor nungi Pelcy Snaitang (BJP): Pelcy-i taruba election nung Congress MLA Martin M Danggo den tokteptsü aser la ket nung sen crore 9,17,72,001 alang rongsen lir.
Pynursla nungi Grace Mary Kharpuri (PDF): Taküm election nung Grace Mary-i PDF ticket nungi NPP lennir aser taoba MLA Prestone Tynsong den tokteptsü. La ket nung sen crore 6,88,56,455 alang rongsen lir.
Nartiang nungi Havergail Edwina Bareh (NPP): Bareh ya tang mezüng atema election nung tokteptsü aser la ket nung sen crore 5,31,41,149 alang rongsen lir.
Mawhati nungi Evalyni Kharbani (Ind): Bareh ama Kharbani-ia tang mezüng atema election nung tokteptsü. La ket nunga sen crore 3,83,85,808 alang rongsen lir.
Nongpoh nungi Marian Maring (BJP): Marian-ia tang mezüng atema BJP ticket nungi tokteptsü aser la ket nung sen crore 3,63,85,000 alang rongsen lir.
South Tura nungi Agatha K Sangma (NPP): Taoba MP aser asür Purno Sangma’er jala Agatha Sangma-i state politics nung tetsüng ajemokogo aser la ket nung sen crore 2,86,61,306 alang rongsen lir.
East Shillong nungi Mazel Ampareen Lyngdoh (INC): La ya taoba mapang lakhpati ka liasü aser küm 5 tsüngda la crorepati ka kümogo. Mazel Ampareen-i agütsüba affidavit nung la ket nung sen crore 1,75,47,349 alang rongsen lir ta shia lir.
Dadenggre nungi June Eliana R Marak (Ind): June Eliana ya taoba minister, Clement Marak kinungtsü lir aser la ket nung sen crore 1,62,21,888 alang rongsen lir.