Meghalaya High Court-i Chief Justice tasen arutsü

Shillong, Aenjeti 12 (Agencies): Meghalaya High Court nung Justice Tarun Agarwala ya Chief Justice tasen shimba osang ka Delhi nungi yokba Meghalaya High Court-i nguogo.
Kasa osang nung shia aliba agi, tang teinyakdak aliba Chief Justice, Justice Dinesh Maheshwari ya Allahabad High Court-i transfer aotsü.
Justice Tarun Agarwala ya tang Allahabad High Court nung inyaker aser pa ya Metsüremi (March) 3, 1956 nung aso aser Arts nung Allahabad University nungi graduate asü aser kasa University nung Law azüng. Pa ya Luchii (December) 9, 1981 nung advocate ja ama züngok.
Küm tetenzüklen sorkar sangdong ka ajanga Justice Tarun Agarwala ya Meghalaya High Court nung Chief Justice ka ama inyaktsü mapa nung jenjang temaba agütsü, TB Radhakrishnan ya High Court of Hyderabad-i (Andhra Pradesh aser Telangana atema) Chief Justice ama yok, Dinesh Meheshwari ya Karnataka High Court indang Chief Justice, Ajay Rastogi ya Tripura High Court indang Chief Justice aser Surya Kant ya Himachal Pradesh High Court indang Chief Justice ka ama yok.
Calcutta High Court nung acting chief justice, Justice J Bhattacharya ya iba court indang Chief Justice mendeni ajungkettsü. Kerala High Court indang acting chief justice, Justice Antony Dominic ya iba court indang Chief Justice mendeni ajungkettsü.